قصة الشاب الغبي اتمنى ان تعجبكم

من طرف **عٌمًرًًٍ²¹²** السبت يوليو 04, 2009 3:53 pm

عزيزى العميل .. انت ع دماغنا م فوق
..

طول مافاتحلنا دماغك وسايبنا نغرف منه براحتنا
..

عزيزى العميل .. كى تكون انسان .. هارش اللى قدامك كويس

..
يتطلب منك بعض المواهب تكون سمييع كويس .. تكون ذكى والمعى .. وقبل كده
..

تكون عميل ف المنتدى الكريم
..

..

كى تكون انسان يخطف العقل م اول لحظه .. لا بد ان .. تعشش ف مخ اللى بتكلمه تخترقه
..

لكل منا ثغراته م اهتمامات مختلفه .. وانشطه اكثر اختلافا
..

اللى بيشجع الاهلى واللى بيحب الزمالك والليبرالى
..

ولكن لنا جميعا .. ثغره افتتاحيه
..

ان تتحدث بلسانه

..!!

ما أروع ان تكون افتتاحية حديثك مع اخو زميلتك الرخم الزوغير
..

عن :
ازيك .. ياحبيبى .. ياختى سكر

..
وف مثل هذه الظروف حتما هيفقعك الواد كلمه يخلي منظرك شراب مبلول

..
او افتتاحية حديثك .. مع جد خطيبتك ف اول مره تقابله فيها
..

والتى حتما هى الاخرى ستنتهى بلفحك خبطه م العكاز ع منتصف سن نملة الدبان
..

ف منتصف الهدف مباشرة
..

اولا ..

.. اعلم جيدا ان الانطباع الاول ان لم يكن سيدوم

سيشكل الانطباع الثانى بنسبة

90% ..

احرص ع ان يكون محادثتك الاولى .. مميزه ..

ان تقدم برزنتيشن .. شخصى .. مبهر ..

ان تتحدث بلسانه ..

1- حدد مدخل اللى قدامك

ان كان شخص مسن .. فما اروعك تفاتحه عن خير زمان ودنيا زمان الحلوه

ان كانت سيده .. فما اروعك تحدثها عن اسعار خضروات وفاكهه سوق العبور اليوم

وان كان شاب روش .. فابدع واصفا عمرودياب وماتش الاهلى الاخرانى

ان وجدت انطباعاته .. الى حدا ما تشبهه ضفدعه ع وشك الولاده

فورا .. تشتم ف ابو الاهلى .. واهلا اهلا بالزمالك

وان كان طفلا .. حبيب هارتى .. اديله سبيس توون وتيمون وبومبا

2- تجنب احتدام المناقشه ف اى موضوع ..

يعنى محبكتش تقلبوها ندوه سياسيه حامية الوطيس

هل جمال عبد الناصر كان افضل .. ام السادات ؟؟

3- امنحه بعض التعليقات الجيده ..

راي حضرتك ف الموضوع ده والله مميز فعلا

جزمة حضرتك بتدل ع رجوله طاغيه

4- احرص ان تكون دماغك مسستمه .. صح

اى تمتلك سستم خاص .. زى ماريو كده ..

تمرره بعدة اختبارات .. تستنتج منها ما تريد

5- انتبه جيدا لكل انطباع وكل كلمه

هل هو شخص ينصت للاخرين ..

شخص بتاع قول اللى عندك ولخص مش فاضى

وغيرها م الانطباعات

6- حدد بير السلم بتاع اللى قدامك

بعد مدخلت م المدخل وجذبت انتباه .. نور بقى بير السلم

واكشف ع العدادات .. تطرق بيه ف كزا موضوع

لفلف بيه م سياسه لثقافه لتعليمى وهكذا

مجرد موضوعات بسيطه

يعنى شجرة الدر ضربوها بالقباقيب ....... تاريخ

هند رستم مثلت الدور ده كويس اوى ...... فن واعلام

بس كانت فيه اسقاطات سياسيه متمثلتش صح ... واديها سياسه

7- اياااااك واييييياك ان يشعر م اامامك انه ف جلسة ممتحنين محو الاميه

او ف اختبار كيف تسعدين صديقتك .:d ..

يادوب تكاااات كده .. مش تعالى هنا ياعم .. قولى فيما لايزيد عن 15 ساعه

عن دور كليوبترا ف سقوط الدوله القسطنطينيه ..

8- اياك ان يخلو وجهك م ابتسامه م القلب ..

حتى لو رايح تعزى .. ادخل عليهم ..بس بابتسامه مكسوره شويه ( اوعى تضحك):d

9- اجعله متيقنا ومتأكدا وواثقا بانك منتبه لكل حرف جر بيقوله

حتى لو انت سرحان ف ملكوت اخر ...

10- اديله برستيجه ..

حتى لو شخص ااقل منك علميا او سنا او غيره

مااروع انك تديله برستيجه .. علشان ميدلكش ف وشك

وابدع انت بقى ..

وجمع نتايجك يامعلم ..

وكون فكره وافيه كافيه عن اللى قدامك م مقابله واحده

معا .. كى تكون هارش اللى قدامك كويس

د/راجل مهم!.. بنغطى اكتر م 90% م سكان مصر

احسن ناس

.............................................

تحديث ** الموضوع مش هدفه انك تنافق حد
..
او تتصنع علشان الناس يحبوك ..
..
لا اطلاقا .. انك تفهم اللى قدامك كويس
..
وتجذبه لشخصيتك م اول مقابله بينكم
..
بس ...
..
وبعد متبقوا اصحاب ابقى عرفه انك بتشجع الاهلى
..
واضربه ع دماغه كمان لو تحب هههههه
..
بس المهم اول مره .. والانطباع الاول